بەربوورەی ٢٦
بەربوورە ناوی ژانرێکی موزیکییە لە ژەندنی خۆم. پێشتر وتارێکی کورتم لە بارەیەوە نووسیوە. دەتوانیت لێرەدا کلیک بکەیت بۆ ئەوەی بیخوێنیتەوە.
وتەیەک لەسەر ئەم بەربوورەیە
ئەم بەربوورەیەم بە ئامێری پیانۆی کارەبایی ژەندووە، دەنگەکەیم کردووە بە پیانۆی گەورە (گراند پیانۆ ١). لە تەواوی ئەم موزیکەدا قاچک (پێداڵ)ی پیانۆکەم بە کار نەهێناوە.
واتای بەربوورە
وشەکە بە گوێرەی فەرهەنگی وەهبی و ئەدمۆندز لە دەستەواژەی «لە بەربوورە»دا هەیە بە واتای کارێکی بێ نەخشە و بێ ئامادەکاری دێت. ڕەنگە بەرانبەر ئیمپرۆمپتو impromptuی زاراوەی موزیک بوەستێتەوە. من وەک ناو بۆ ئەم ژانرەم بە کار هێنا و لە ئایندەشدا بەربوورەی ترم دەبێت. بە هیوام چێژیان بۆ بیسەران هەبێت.
