چاوەڕێتم[1]
چاوەڕێتم، هەروەکو چۆن
نووسین چاوەڕێی پێنووسە،
شەپۆل چاوەڕێی هەوایە،
پیری چاوەڕێی تەمەنە،
بەستن چاوەڕێی سەرمایە.
چاوەڕێتم، هەروەکو چۆن
خەون چاوەڕێی نوستنە،
سەهۆڵ چاوەڕێی بەستنە،
چۆن ڕۆیشتن چاوەڕێی پێیە،
چۆن بیستن چاوەڕێی گوێیە
چاوەڕێتم، چاوەڕێتم.
چۆن باران چاوەڕێی هەورە،
چۆن تیشک چاوەڕێی خۆرە،
چۆن بینین چاوەڕێی چاوە،
هەڵم چاوەڕێی هەتاوە،
چۆن هەنگوین چاوەڕێی هەنگە،
گۆرانی چاوەڕێی دەنگە
چاوەڕێتم.
چاوەڕێم و چاوەڕێم و وەڕس نابم،
لەبەرئەوەی بێ بوونی تۆ
[1] لە ڕێکەوتی ١٠ی شوباتی ٢٠١١دا نووسراوە.
