هەندێک چیرۆکم هەن کە لەژێر ناونیشانی گەورەی هۆنوسیاددا دەمنووسین، ئێستا ناوی هۆنوسیادم کرد بە هۆنوسیاس. پاشگری -یاس، کە لە ئینگلیدا بووە بە -یاد پاشگرێکی گریکیی کۆنە بە واتای بەیت، ھۆنراوە دێت، وەک: ئیلیاس، ئەینیاس، ئۆڵۆمپیاس، تیلێماخیاس. پێشتر نەمدەزانی کە -یاس لە -یاد ڕاستترە و دوای گێڕانەوە گشتییە ئینگلییەکە کەوتبووم کە ئینگلییەکان دەڵێن «ئیلیاد» نەک «ئیلیاس» و منیش ئاوھا ئەم بەرھەمەم ناو نابوو «ھۆنوسیاد»، بەڵام کاک ڕێبوار قاسم لە کانوونی یەکەمی ٢٠٢٢دا بۆمی ڕاست کردەوە کە -یاس ڕاستترە. بۆیە لەو کاتەوە ئەم ناونیشانەم لە ھۆنوسیادەوە گۆڕی و کردم بە ھۆنوسیاس.
