هاتی ئاواتی دێرین

هاتی ئاواتی دێرین، قیبلەی دڵم لە لات بوو

موئنیسم لە دووریی تۆ، یادی ئەخیر نیگات بوو

تا زیندووم لە بیرمە ئەو ڕۆژە وەک کەو فڕیت لە هێلانەی دڵ،

بازی باڵسووتاوی خەیاڵم لە شوێنت مەنزڵ بە مەنزڵ

وێڵ و ئاوارەی دێ و شاران بوو، مەجنوون هەرد و کۆساران بوو.

چاوەڕێت بووم تا هاتی، هیوام، ئاواتی گیانم،

ئێستا کە تۆم لە لای سەرخۆش و کامەرانم،

هەرچەندە دوور بووم لە باڵای تۆ، لە ڕوخساری ئاڵوواڵای تۆ،

من سوێند دەخۆم بە چاوی جوانت، بە زولفانی پەرێشانت،

ناوت ڕووناکیی دەخستە دڵ لە شەوی تاری هیجرانت.

جەژنی نەورۆزی ٢٧٢٣ی کوردیتان پیرۆز بێت. ئەم گۆرانییەشم بە دیاری لێ وەربگرن.

گۆرانییەکی مامۆستا مەزهەر خالقییە

هۆنراوەی: عوسمان ئەحمەدی

ئاواز: حەسەن یوسف زەمانی

لە گۆرانییەکەدا وشەیەک بە هەڵە دەڵێم، دەقەکە دەڵێت «تا زیندووم لە بیرمە ئەو ڕۆژە»، من دەڵێم: «تا دەمرم لە بیرمە ئەو ڕۆژە». بمبەخشن.